जनजाति चलचित्र महासंघ स्वन
येँ (सन्ध्या टाइम्स) थीथी आदिवासी जनजातिया संकिपाकःमितय् आः नकतिनि च्वंगु मुँज्यां नेपाल आदिवासी जनजाति चलचित्र महासंघ तदर्थ समिति नीस्वंगु दु ।
उगु तदर्थ समितिइ नेवाः जागरण माच याकथुङ लिम्बु मुन्चइत चोकसयङ थारु चलचित्रकर्मि उत्थान संघ मगर गुरुङ सुनुवार तामाङ किरात राई चलचित्रकर्मि संघ मंगोल कलाकार संघ आवद्ध दु ।
तदर्थ समितिया अध्यक्षय् दिपेन्द्र थुलुङ राई निम्ह उपाध्यक्षय् विजयरत्न तुलाधर व लक्ष्मी सुनुवार महासचिवय् प्रतिमाया पुनमगर निम्ह सचिवय् मौसम ईम्बुङ व टोमा लामा व कोषाध्यक्षय् विनिता तामा¨यात ल्यःगु दु ।
महासंघया तदर्थ समिति गठन लिपा च्वंगु मुँज्यां याकनं हे जुइत्यंगु स्वक्वःगु नेपाल अन्तर्राष्ट्रिय आदिवासी फिल्म फेस्टिवल ताःलाकेगु नितिं ग्वाहालि यायेगु व याकनं महासंघया विधान दयेकाः दर्ता प्रक्रियाय् वनेगु जानकारी महासंघं बिउगु दु ।
