नीति व ज्याझ्वः असार १९ गते, बजेट ३० गते

‍राष्ट्रपति डा. रामवरण यादवं असार १९ गते व्यवस्थापिका संसदय् सरकारया नीति व ज्याझ्वः पेश यानादीगु जूगु दु । प्रधानमन्त्री व मन्त्रिपरिषदया ज्याकूथीं राष्ट्रपतिनापया परामर्श लिपा असार १९ गते नीति व ज्याझ्वः न्ह्यब्वयेत संसदयात पौ छ्वःगु दु ।

अथेहे न्हूगु आर्थिक दँ २०६८/६९या बजेट ३० गते संसदय् अर्थ मन्त्री भरतमोहन अधिकारीं न्ह्यब्वयादीगु जूगु दु । संसदय् जारी पूर्व बजेट सहलह १४ गते क्वचाइगु जुइवं असार ३० गते न्हूगु आर्थिक दँया बजेट न्ह्यब्वयेत्यंगु खः । बजेटया कानुनी प्रावधान कथं पूर्व बजेट सहलह क्वचाःगु निवाः लिपा बजेट हयेमाः ।