ख्वपया लाय्कुली कुटुम्बया संगीत ज्याझ्वः
ख्वप (सन्ध्या टाइम्स) नेपाःया नांजाःगु सांगीतिक पुचः कुटुम्बपाखें शनिवाः बहनी ख्वपया लाय्कुली थीथी सांगीतिक ज्याझ्वः न्ह्यब्वल । जर्मनी फ्रान्स बेलायत अमेरिका व इटली नापं नेपाःया थीथी विशिष्ट व्यक्तित्वतय्सं उगु ज्याझ्वः अभिरुचीपूर्वक स्वःगु खः।
भक्तपुर पर्यटन विकास समिति नापं थीथी संस्थाया आर्थिक ग्वाहालिइ न्ह्याःगु उगु ज्याझ्वलय् दतात्रय धिमे बाजं खलःपाखें इन्दिरा लाछिमस्यूया नेतृत्वया पुचलं धिमे थानाः मिस्तय्गु प्रतिभा न्ह्यब्वःगु खः।
स्वघौ तक सकसितं झुमिंयंकू थें च्वंक प्रभाव लाकूगु उगु सांगीतिक ज्याझ्वलय् द्वलंद्वः ख्वपबासीतय्सं न्हापांखुसी कुटुम्बया ज्याझ्वः प्रत्यक्ष रुपं स्वयेखंगु खः ।
