नेता ओलीपाखें महेश बस्नेतया तारिफ

नेकपा (एमाले)या नेता केपी शर्मा ओलीं युवा संघया अध्यक्ष महेश बस्नेत एमालेया सच्चा कार्यकर्ता जूगु धासें तारिफ यानादीगु दु ।

मदन भण्डारी बौद्धिक मञ्चं शनिवाः यलय् याःगु ज्याझ्वलय् नेता ओलीं माओवादी ज्यादतीया विरुद्ध पार्टी नेतातय्सं न्ववाये मफयाच्वंगु इलय् बस्नेतं अज्याःगु ज्या याना क्यंगु धयादिल । वय्कलं बस्नेतं क्यंगु आँट प्रति सुभाय् बियादिसें बस्नेतयात एमालेया सच्च कार्यकर्ता जूगु धयादिल ।

माओवादी प्रति आक्रोशित नेता ओलीं थः देशं पिने वनाच्वंगु इलय् थः विरुद्ध षड्यन्त्र जूगु द्वपं बियादिल । विराटनगरया पत्रकार खिलानाथ ढकालयात आक्रमण याःगु द्वपं लाःम्ह युवा संघया कार्यकर्ता पर्शुराम बस्नेतयात थःम्ह संरक्षण याःगु द्वपंया खण्डन यानादिसें वय्कलं थःम्हं पर्शुरामयात संरक्षण मबीयाःगु दावी यानादिल ।