'मह'यात मदन भण्डारी राष्ट्रिय पुरस्कार
थुगुसीया मदन भण्डारी राष्ट्रिय पुरस्कार कलाकार मदनकृष्ण श्रेष्ठ व हरिवंश आचार्य (मह)यात बीगु जूगु दु । नेकपा (एमाले)या नेता प्रदीप ज्ञवालीया संयोजकत्वय् दुगु मदन भण्डारी राष्ट्रिय पुरस्कार कोषया कार्य समितिया वंगु असार ४ गते च्वंगु मुँज्यां उगु निर्णय याःगु खः ।
प्रत्येक दँय् मानव अधिकार व लोकतन्त्र स्थापनाय् महत्वपूर्ण योगदान बिउपिं, द्वन्द्व व्यवस्थापन व दिगो शान्तिया स्थापनाय् महत्वपूर्ण भूमिका म्हितुपिं, सामाजिक न्याय, राष्ट्रिय स्वाभिमान, राष्ट्रिय एकता व अखण्डतायात सबल यायेत योगदान बिउपिंत उगु सिरपा लःल्हाइगु खँ धा:गु दु ।
छगू लख राशीया उगु सिरपा वइगु असार १४ गते छगू विशेष ज्याझ्वःया दथुइ राष्ट्रपति डा. रामवरण यादवं लःल्हानादी । महं वंगु स्वंगू दशक न्ह्यः निसें कलाकारिताया माध्यमं समाजय् सकारात्मक हिउपा हयेत भूमिका म्हिताच्वंगु खः ।
