संगीतकार गणेशप्रसाद श्रेष्ठ मन्त

नेपालभाषाया न्हापांगु संकिपा 'सिलु'या संगीतकार गणेशप्रसाद श्रेष्ठ ७७वर्षया वैशय् म्हिग बहनी मन्त । ताः ई न्ह्यः निसें दमया ल्वचं कयाच्वनादीम्ह नेपाः हे वरिष्ठ संगीतकार श्रेष्ठ बुधवाः बहनी त्रिवि शिक्षण अस्पतालय् मदुगु खः । वय्कःया थौं हे पशुपति आर्यघाटय् अन्त्येष्टि याःगु दु ।

निद्वः स्वयां अप्व म्येय् लय् चिनादीम्ह श्रेष्ठ मचां निसें हे संगीत ख्यलय् सक्रिय जुयादीम्ह खः । विसं १९९१ माघ ३ गते येँय् जन्म जुयादीम्ह श्रेष्ठं राष्ट्रिय बालगीत, शकुन्तला गीति नाट्य नापं स्वीन्यागू सफू च्वयादीगु दु ।

वय्कःया जहान नापं निम्ह काय् व स्वम्ह म्ह्याय् दी ।