विश्वभाषाय् तालाबन्दी
येँ (सन्ध्या टाइम्स) नेविसंघं थिनंनिसें विश्वभाषा क्याम्पसय् अनिश्चितकालीन तालाबन्दी यात । स्ववियु निर्वाचन नियमित ब्वनेज्या विद्यार्थी भर्ना व क्याम्पस प्रमुखं यानाच्वंगु आर्थिक अनियमितताया आदि बारे क्याम्पस प्रशासनं ध्यान मबिउ धासें नेविसंघं थ्व तालाबन्दी याःगु खः । विद्यार्थीतय्सं क्याम्पस ताः इलंनिसें बन्द जुयाच्वंसां क्याम्पस प्रमुख क्याम्पसय् मवःगु विदेशी विद्यार्थीयात ६५० डलर ध्यबा कयाः भर्ना याःगु आदि खँय् असन्तोष प्वंकुसें थ्व तालाबन्दी याःगु खः ।
विद्यार्थीतय्सं थौं ३ बजे दुने क्याम्पस प्रमुख क्याम्पसय् वयाः विद्यार्थीतय् माग बारे सहलह मयात धाःसा क्याम्पसया मूलुखाय् तालं ग्वयेगु ख्याच्वः बिउगु दु ।
