पर्शुरामया सवालय् गृहमन्त्री तसकं पूर्वाग्रही : बस्नेत
युवा संघ नेपालया अध्यक्ष महेश बस्नेतं गृहमन्त्री कृष्णबहादुर महारा तसकं पूर्वाग्रही जूगुलिं पर्शुराम बस्नेतायात प्रहरी समक्ष लःमल्हायेगु खँ धयादीगु दु ।
रिपोटर्स क्लबं थौं येँय् याःगु छगू साक्षात्कार ज्याझ्वलय् बस्नेतं गृहमन्त्रीं प्रहरीयात छुं नं हालतं पर्शुरामयात मत्वःतेत आदेश बिउगु द्वपं बियादिल । वय्कलं सामान्य घटनय् नं पर्शुरामयात फसे यायेत गृहमन्त्रीया निर्देशनय् अपहरण व ज्यान कायेगु उद्योगय् मुद्दा चले यायेगु षड्यन्त्र जुयाच्वंगु धयादिल ।
पर्शुराम बस्नेत आः नं थःपिनिगु सम्पर्कय् हे दुगु धयादिसें वय्कलं प्रहरीयात लःमल्हायेगु तर मुद्दा दायर यायेधुंका तप्यंक अदालतय् हे उपस्थित याकेगु धयादिल । पर्शुराम दोषी ठहर जूसाः थःम्ह युवा संघया अध्यक्ष पदं राजीनामा बीगु धयादिसें यदि निर्दोष प्रमाणित जूसाः पत्रकार महासंघया अध्यक्ष शिव गाउँले व महासचिव ओम शर्मां नं राजीनामा बीगु हिम्मत यायेमाःगु धयादिल ।
News Location:
