निलम्बित प्यम्ह सभासद्त अनसनय्
व्यवस्थापिका संसदया निलम्बनय् लाःपिं प्यम्ह सभासदतय्सं थनिंनिसें अनसन सुरु याःगु दु । थःपिनि हक अधिकारया निंतिं माग तयाच्वंगु इलय् अन्यायपूर्ण तरिकां निलम्बन याःगु धासें सभासदतय्सं संविधानसभाया दक्षिण क्षेत्रय् अनसन सुरु याःगु खः । इमिसं थःपिं निलम्बन फुकुवा मजूतले अनसनय् च्वनीगु खँ धाःगु दु ।
आदिवासी, जनजाति, मुस्लित, दिलत, सीमान्तकृत वर्गया माग सम्बोधन यायेमाःगु माग यासें सभासद्त बुद्ध साय्मि, विश्वेन्द्र पासवना, रुक्मिणि चौधरी व सदरुल मियाँ हकयात न्हय्न्हुया निंतिं सभामुखं निलम्बन याःगु खः ।
प्यम्ह सभासदतय्सं समावेशी विधेयक महःगु व सरकारं सहमति कार्यान्वन मयाःगु द्वपं बिउसें संसदय् रोष्टम घेरउ यानाच्वंगु खः । सरकार व स्वंगू दलया पखें प्यंगू बुँदे लिखित प्रतिबद्धता प्वंकूगु खःसां सभासद्तय्सं उगु प्रतिबद्धताय् न्ह्यथनातःगु भाय् अमूर्त जूगु व थःपिंस माग हे मयाःगु विषय नं दुथ्याकातःगु द्वपं बिउगु दु ।
