बुधवाः सार्वजनिक बिदा

सरकारं असार ८ गतेयात राष्ट्रिय जनगणना दिवस घोषणा यासें बुधवाः सार्वजनिक बिदा बीगु घोषणा याःगु दु । गृह मन्त्रालयं मंगलवाः छगू सार्वजनिक सूचं जारी यासें असार ८ गतेया न्हियात राष्ट्रिय जनगणना दिवस कथं हनेत सार्वजनिक बिदा बीगु निर्णय सरकारं याःगु खँ न्ह्यथंगु दु ।

वंगु असार ३ गते निसें देय्न्यंक झिंछक्वःगु राष्ट्रिय जनगणना न्ह्यनाच्वंगु दु । जनगणना वइगु १३ गते तक न्ह्याइ ।