प्रमुख स्वंगू दलयात कांग्रेसया युवा सभासदतय् दबाव बीगु

संविधानसभायाया म्याद थप यायेगु इलय् प्रमुख स्वंगू दलत दथुइ जूगु न्यागू बुँदे सहमति कार्यान्वयन यायेत कांग्रेसया युवा सभासदतय्सं दबाव बीगु जूगु दु । माओवादी, कांग्रेस व एमालेया नेतातय्त नापलाना कांग्रेसया युवा सभासद्तय्सं दबाव बीगु निर्णय याःगु खः । न्यागू बुँदे सहमति पूमवंकं शान्ति प्रक्रिया व संविधान निर्माण प्रक्रिया क्वचायेके मफइगु धासें इमिसं याकन हे दबाव अभियान न्ह्याकेत्यंगु खः ।