सञ्चारमन्त्रीया मुद्दाबारे थौं सर्वोच्चं निर्णय बिइगु

सूचना लिसे सञ्चारमन्त्री अग्नी सापकोटायात पदपाखें चीकेगु माग तयाः मानवअधिकारकःमिपाखें दायर रिटया अन्तरिम आदेश बारे सर्वोच्चं थौं निर्णय बिइगु जूगु दु । युद्धकालय् काभे्रया अर्जुन लामाया हत्या जूगु विषयलय् मानव अधिकारबादी संघ संस्थाया सुं मनूतय्सं मन्त्री सापकोटायात द्वपं ब्यूसें सर्वोच्चय् मुद्दा तःगु खः । थ्व स्वयाः न्ह्यःया सुनुवाईसं मन्त्री सापकोटाया पक्षपाखें बहस याइपिं अधिवक्तातय्सं युद्धकालया मुद्दा सत्य निरुपण लिसे मेलमिलाप आयोगपाखें हल यायेगु दलतदथुइ सहमति जूगुलिं रिट खारेज यायेत माग याःगु खः ।