एस.एल.सी. २०६७ या लिच्वः पिदन
परिक्षा नियन्त्रण कार्यालयपाखें थौं एस.एल.सी. २०६७ या लिच्वः पिथंगु दु । थुगुसी एसएलसी ब्यूपिं मध्ये २,३०,४९९ म्ह विद्यार्थी पास जूगु दु । नियमित पाखें २,२०,७६६ म्ह (५५.५%) विद्यार्थी पास जूगु ख: ।
थुगुसी विशिष्ट श्रेणीपाखें २०,१११ म्ह, न्हापांगु श्रेणीइ ८२,६१९ म्ह, निगूगु श्रेणीइ १,०९,७९५ म्ह व स्वंगूगु श्रेणीइ ८,२४१ म्ह पास जूगु दु । अथेहे एक्जाम्टेडपाखें ९,७३३ म्ह(१७.३०%) विद्यार्थी पास जुल ।
थुगुसी एम्जाम्टेडपाखें छम्हहे विशिष्ट श्रेणीइ पास मजूगु खःसा न्हापांगु श्रेणीइ १८० म्ह, निगूगु श्रेणीइ ७,३६६ म्ह व स्वंगूगु श्रेणीइ २,१८७ म्ह पास जूगु दु ।
थुगुसी देय्न्यंक याना ४,९६,२४३ म्ह विद्यार्थीतय्सं एस.एल.सी. परिक्षा ब्यूगु ख:सा थगुने स्वयां ८.८१% म्हो जक पास जूगु खः ।
