न्यागू बुँदे सहमति बारे स्वम्ह नेतात दथुइ सहलह

प्रमुख स्वंगू दलत दथुइ संविधानसभाया म्याद थप याये न्ह्यः जूगु न्यागू बुँदे सहमतिया बारे स्वंगू दलया नेतात दथुइ अनौपचारिक सहलह जूगु दु ।

एकीकृत नेकपा (माओवादी)या नायः पुष्पकमल दाहाल 'प्रचण्ड', नेपाली कांग्रेस संसदीय दलया नेता रामचन्द्र पौडेल व नेकपा (एमाले)या वरिष्ठ नेता माधवकुमार नेपाल दथुइ न्यागू बुँदे सहमति कार्यान्वयन व शान्ति प्रक्रियाया बारे सहलह जूगु खः ।

स्वम्ह नेतात दथुइ जूगु सहलह शान्ति प्रक्रियायात निष्कर्षय् थ्यंकेत याकनं सहमति यानाः न्ह्या: वनेगु बारे केन्द्रीत जूगु खः । सहलह लिपा कांग्रेस नेता पौडेलं शान्ति प्रक्रियायात गुकथं न्ह्यःने यंकेगु बारे सहलह जूगु धयादिल ।