संचारकर्मीतय्सं अर्थमन्त्रीया ज्याझ्वः बहिष्कार
Posted on Mon Jun 20, 2011 2:36 pm NST
विराटनगरया संचारकर्मीतय्सं पत्रकारयात आक्रमण याःम्ह अभियुक्तयात सरकारं अझ नं ज्वनेमफुगु धासें उपप्रधान नापं अर्थमन्त्री भरतमोहन अधिकारीया ब्वति दुगु ज्याझ्वः बहिष्कार याःगु दु । सोमवाः मोरङ व्यापार संघया ज्याझ्वलय् अर्थमन्त्री अधिकारीं पाँहा कथं ब्वति कयादीगु खः ।
नेकपा (एमाले) सम्बद्ध युवा संघ नेपालया कार्यकर्तातय्सं विराटनगरया पत्रकार खिलानाथ ढकालायत आक्रमण याःसां राजनीतिक संरक्षणया हुनिं दोषीतय्त सरकारं मज्वंगु धासें संचारकर्मीतय्सं अर्थमन्त्रीया ब्वति दुगु ज्याझ्वः बहिष्कार याःगु खः ।
वंगु जेठ २२ गते युवा संघ मोरङया अध्यक्ष पर्शुराम बस्नेतया निर्देशनय् पत्ररकार ढकालयात आक्रमण याःगु द्वपं लानाच्वंगु दु । तर सरकारं आक्रमणय् संलग्न निम्हेसित ज्वंसां मुख्य अभियुक्त बस्नेतयात धाःसा ज्वनेमफुनी ।
News Location:
