कांग्रेसं बजेट मुँज्या बहिष्कार

अर्थमन्त्री भरतमोहन अधिकारीं वइगु आर्थिक दँ २०६८/६९या बजेटया बारे सहलह यायेत आव्हान या:गु मुँज्या प्रमुख प्रतिपक्षी नेपाली कांग्रेसं बहिष्कार याःगु दु ।

कांग्रेसं थौं च्वनीगु स्वंगू प्रमुख दलया शीर्ष नेतातय् मुँज्या लिपा जक बजेटया बारे थःपिनिगु धारणा वयेफइगु धासें अर्थमन्त्रीं आव्हाना या:गु मुँज्याय् अनुपस्थित जूगु खः । नापं कांग्रेसं बजेटय बारे शीर्ष नेतातय् मुँज्याय् हे सहलह यायेगु धासें मुँज्या बहिष्कार याःगु खः ।

कांग्रेसं मुँज्या बहिष्कार यायेवं अर्थमन्त्री अधिकारीं माओवादी, एमाले व मधेशी जनअधिकार फोरमया सचेतकतनाप जक बजेटया बारे सहलह याःगु खः । अर्थमन्त्रीं थौं हे मेमेगू दलत नाप नं बजेटया बारे सहलह यानादीगु ज्याझ्वः दु ।