न्यागू बुँदाया सहमति कार्यान्वयन मजूसा आन्दोलन

नेपाली कांग्रेसया महामन्त्री प्रकाशमान सिंहं दलत दथुइ जूगु न्यागू बुँदाया सहमति कार्यान्वयन मजूसा नेपाली कांग्रेसं आन्दोलन यायेगु ख्याच्वः बियादिल ।

येँय् थौं ग्वसाः ग्वःगु पार्टी कार्यकर्ता प्रशिक्षण ज्याझ्वलय् न्ववानादिसें महामन्त्री सिंहं न्यागू बुँदाया सहमति नेकपा एमाले व माओवादीं कार्यान्वयन मयागु द्वपं नं बियादिल ।

वय्कलं आःया सरकार कामचलाउ सरकार जूगु खँ न्ह्यथनादिसें छुं नं दीर्घकालिन ज्याझ्वः व योजनाया नापनापं कर्मचारी सरुवा वढुवा व नियुक्ति यायेगु अधिकार वर्तमान सरकारयाके मदुगु दाबी नं यानादिल ।