विकल्प लिपा जक प्रधानमन्त्रीं राजीनामा बीगु

शिक्षा मन्त्री गंगालाल तुलाधरं राष्ट्रिय सहमति जुइधुंकाः जक प्रधानमन्त्री झलनाथ खनालं राजीनामा बीगु खँ धयादिल ।

येँय् थौं छगू ज्याझ्वलय् न्ववानादिसें मन्त्री तुलाधरं विकल्प मदुतले प्रधानमन्त्रीं राजीनामा बी मजिउगु खँ धयादिल । वय्कलं विकल्प मदयेकं राजीनामा बिल धाःसा देय् सरकार विहिन जुइफइगु खँ कनादिल ।

उगु हे ज्याझ्वलय् न्ववानादिसे नेकपा एमालेया न्वकू अशोक राईं स्वंगू दल दथुइ जूगु न्यागू बुँदाया सहमति कार्यन्वयन याकनं यायेमाःगु खँय् बः बियादिल ।