बस्नेतयात पार्टी ज्याकू न्ह्यःने यंका त्वःतल
नेकपा (एमाले)या भातृ संगठन युवा संघया अध्यक्ष महेश बस्नेतयात प्रहरीं विराटनगरस्थित एमाले ज्याकू न्ह्यःने यंका त्वःतुगु दु । बिहीवाः सुनसरीया इटहरीपाखें ज्वनायंकूम्ह बस्नेतयात विराटनगरया रानीस्थित क्षेत्रीय प्रहरी तालिम केन्द्रं पाञ्चालीस्थित एमाले ज्याकू न्ह्यःने यंका त्वःतुगु खः ।
स्थानीय प्रशासनं बिहीवाः बहनी हे बस्नेतयात त्वःतेत आदेश बिउगु खःसां बस्नेतं धाःसा थःत ज्वंगु कारण स्पष्ट यायेमाःगु माग यासें छुटे जुइत अस्वीकार याःगु खः । नापं बस्नेतं गृहमन्त्रीया राजीनामा व पत्रकार आक्रमण याःगु अभियोग लगेजुम्ह पर्शुराम बस्नेत विरुद्धया उजुरी लितकायेमाःगु माग याःगु खः ।
थ्वस्वयां न्ह्यः थौं सुथय् बस्नेतयात निशर्त त्वःतेमाःगु माग यासें येँया बल्खुस्थित एमालेया मू ज्याकूथी युवा संघया कार्यकर्तातय्सं धर्ना बिउगु खः । सुथय् १० बिउगु धर्नाय् युवा संघया कार्यकर्ता नापं एमाले नेतातय्सं म्हिग गृहमन्त्री नाप जूगु सहमति धोका जूगु धासें उकियात पार्टीं स्पष्ट यायेमाःगु माग याःगु खः ।
