नियमित प्रक्रियापाखें हे बजेट हयेगु सहमति
Posted on Fri Jun 17, 2011 2:57 pm NST
सत्तारुढ स्वंगू दलत दथुइ नियमित प्रक्रिया पाखें हे निर्धारित इलय् बजेट हयेगु सहमति जूगु दु ।
प्रधानमन्त्री निवास बालुवाटारय् शुक्रवाः सुथय् स्वंगू दलया शीर्ष नेतात दथुइ जूगु खँल्हाबंलाय् विपक्षी दलतनाप सहलह यानाः निर्धारित इलय् हे बजेट हयेगु सहमति जूगु खः । राजनीतिक सहमतिया अभावं बजेट हयेत थाकुयाच्वंगु इलय् स्वंगू दलया नेतातय्सं बजेटया बारे विपक्षी दलत नाप पराशर्म यायेगु निर्णय याःगु दु ।
अथेहे मुँज्याय् शान्ति प्रक्रिया क्वचायेकेत सरकारयात थप सक्रिय व प्रभावारी दयकेगु निर्णय नं याःगु दु । मुँज्याय् प्रधानमन्त्री नापं एमाले नायः झलनाथ खनाल, माओवादी नायः पुष्पकमल दाहाल 'प्रचण्ड' व उपप्रधानमन्धी नापं मधेशी जनअधिकार फोरमया नायः उपेन्द्र यादवया ब्वति दुगु खः ।
News Location:
