भारतय् हानं कंग्रेस-आईयात मौका

भारतय् नकतिनि क्वचाःगु लोकसभाया चुनावं हानं कंग्रेस आई यात हे सरकार गठन याके बीगु म्यान्डेट बिउगु दु । चुनावय् थःत प्राप्त जूगु बहुमतं आः कंग्रेस आई पाखें प्रधानमन्त्री मनमोहन िसंहया हे अध्यक्षताय् सरकार गठनया तयारी शुरु जूगु दु । डा। मनमोहन िसंहं वंगु प्यदँया कार्यकाल पूवंक हे क्वचायेकाः भारतय् तःदँ लिपा मिलिजुली सरकार नं क्वःमदयेक न्ह्यायेफु धइगु नमूना न्ह्यब्वयादीगु खः । खतुं दथुइ छक्वः वामपन्थी पार्टीतय्सं समर्थन लित कायेवं वय्कःया सरकार क्वःदलीगु अवस्था मवःगु मखु । तर उकियात वय्कलं सामना यानाः सरकार टिके यानां तुं त्वःतल । बरु समर्थन लित काःगु कारणं वामपन्थी पार्टीतय्त हे हानी जुल वामपन्थी नेता एवं सभामुख सोमनाथ चटर्जीं पार्टी त्वःतेमाल । उगु इलय् अमेरिकालिसे भारतं याःगु आणविक सन्धि तसकं विवादय् लाःगु खः । तर थुगुसीया चुनावय् त्याःगु कारणं मनमोहन िसंहया सरकारं याःगु उगु सन्धियात नं जनसमर्थन प्राप्त जूगु दु ।

चुनाव त्यायेवं प्रधानमन्त्री मनमोहन िसंहं थुकिया श्रय हानं छक्वः पार्टी अध्यक्ष सोनिया गान्धी व वय्कःया काय राहुल गान्धीयात बियादीगु धाःसा गान्धी परिवारयात हानं छक्वः यानादीगु चाकडी थें जूगु दु । थुकी अध्यक्ष सोनिया गान्धीया भूमिका व सम्पूर्ण कार्यकर्ताया मेहनत महत्वपूर्ण खः । न्ह्यागुसां मेगु प्यदँया लािगं स्थिर सरकारया ग्यारेन्टी जुयाः भारतयात थौंया प्रतिस्र्धात्मक विश्वय् धेंधेंबल्लाः याः वनेगु मेगु छगू बांलाःगु अवसर प्राप्त जूगु दु । शान्ति विकास व प्रगतिया िनंितं स्थिर सरकारया आवश्यकता उतिकं महत्वपूर्ण जू ।

More Stories Like this