शताब्दीया दकलय् ताःहाकगु चन्द्र ग्रहण

बुधवाः चान्हय् थुगु शताब्दीया हे दकलय् ताःहाकगु चन्द्र ग्रहण जुइत्यंगु दु । बुधवाः चान्हय् १२:०७ बजे सुरु जुइगु खग्रास चन्द्र ग्रहण ३ घण्टा ४० मिनेट तक जुइ । चन्द्र ग्रहणया सुतक धाःसा थौं न्हिनय् ३:०७ बजे निसें सुरु जुइ । थज्याःगु चन्द्र ग्रहण आः सच्छि व स्वीदँ लिपा जक स्वये दइगु जूगुलिं थुकिया विशेष महत्व दुगु दावी ज्योतिषतय्सं याःगु दु । ज्योतिषतय्सं थुगु चन्द्रग्रहण पाखें राजनीतिक, धार्मिक व सामाजिक क्षेत्रय् प्रभाव लाकीगु खँ धाःगु दु ।