वाणिज्य बैंकया लबः निदुगं अप्वल
येँ सन्ध्या टाइम्स राष्ट्रिय वाणिज्य बैंकं आः नकतिनि पिकाःगु छगू तथ्यांक कथं वाणिज्य बैंक नाफाय् वंगु खँ सीदुगु दु ।
थुगु दँया न्हापांगु स्वलाया प्रतिवेदनय् बैंकं १ अर्ब ५४ करोड ८२ लाख लबः कायेत ताःलाःगु खँ धाःगु दु । थुगु लबः बैंकं थगुने थुगु हे इलय् काःगु लबः स्वयां निदुगं अप्वः खः ।
बैंकं थगुने न्हापांगु स्वलाया दुने ७६ करोड ४१ लाख लबः काःगु खः । थगुने बैंकया थुगु हे ईया दुने २५ दशमलव ८५ प्रतिशतय् दुगु निष्कृय कर्जा नं म्हो जुयाः १७ दशमलव ९७ प्रतिशतय् कुहां वःगु दु ।
उगु प्रतिवेदनय् न्ह्यथना तःकथं वर्तमान इलय् बैंकया कुल पूँजी ८० अर्ब ८४ करोड ९४ लाख थ्यंगु दु । लिसें बैंकं उगु ईया दुने १२ करोड ३८ लाख ५९ हजार तका दां बोनसया िनंितं व्यवस्था यानागु नं जानकारी बिउगु दु ।
