चुहावट नियन्त्रण यानाः लाडसेडिङ अन्त्य : उर्जामन्त्री
उर्जामन्त्री गोकर्ण विष्टं विद्युत चुहावट नियन्त्रण यानाः छुं दिं दुने हे लोडसेडिङ चीकेगु खँ धयादीगु दु ।
रिपोटर्स क्लबं थौं येँय् याःगु छगू साक्षात्कार ज्याझ्वलय् मन्त्री विष्टं विद्युत चुहावट नियन्त्रण यायेगु ज्या तीव्र रुपं जुयाच्वंगु धयादिसें चुहावट नियन्त्रण यायेगु ज्या प्रभावकारी जुयाच्वंगुलिं छुं दिं दुने हे लोडसेडिङ अन्त्य जुइगु धयादिल ।
कुल विद्युत चुहावटया खुगू प्रतिशत जक नियन्त्रण यायेफुसाः प्राधिकरणं दँय् निगू अर्ब स्वयां अप्व नाफा यायेफइगु धयादिल । वय्कलं चुहावट नियन्त्रण यायेगु ज्या प्रभावकारी जूसाः स्वदँया दुने हे नेपालय् पूर्ण रुपं लोडसेडिङ मुक्त जुइगु दावी यानादिल ।
अथेहे वय्कलं थीथी थासय् निर्माण जुयाच्वंगु विद्युत आयोजनाय् अवरोध यायेगु ज्या जूसाः सुरक्षाकर्मी परिचालन यानाः ज्या न्ह्यकेगु स्पष्ट यानादिल । वय्कलं अज्याःगु आयोजनाय् सेना परिचालन यायेत उर्जा मन्त्रालयं रक्षामन्त्रालययात इनाप यायेधुंकूगु धयादिल ।
News Location:
