परिषद्या थीथी सिरपाः घोषणा
येँ सन्ध्या टाइम्स नेपालभाषा परिषद्पाखें दँय्दसं बीगु याना वयाच्वंगु थीथी सिरपाःया घोषणा जूगु दु । घोषणा कथं थुगु दँया चित्तधर सिरपाः ख्वपया भाजु रत्न गोपाल साँय्जुयात बीगु जूगु दु ।
अथे हे निबन्धकारतय्त बीगु ठाकुरलाल सिरपाः मुनीन्द्ररत्न वज्राचार्ययात बीगु नं घोषणा जूगु दु । उकथं हे भिक्ष्ा अश्वघोषयात भाषाथुवाः मानार्थ उपाधिपाखें विभुषित यायेगु नं निर्णय जूगु दु ।
भाजु रत्नगोपाल साँय्जु ख्वपय् विराट नेपालभाषा साहित्य सम्मेलन गुथि थेंज्याःगु सकि्रय भाषिक संस्था नीस्वनाः भाषा सेवाय् तःदँ न्ह्यवंनिसें थःत पाना वया च्वनादीम्ह व्यक्तित्व खः । मुनीन्द्ररत्न वज्राचार्यया आपालं निबन्ध व प्रबन्ध नेपालभाषाय् पिहां वयाच्वंगु दु । भिक्ष्ा अश्वघोष महास्थविरं बुद्ध धर्म मार्फत नेपाल- भाषायात च्वन्ह्याकेगु ज्याय् तःधंगु तिबः बियाबिज्याःगु दु ।
झी कविकेशरी चित्तधर ुह्दयु या सछि व स्वदँ बुन्हिया लसताय् थ्वहे वइगु बुधवाः परोपकार उमाविइ छगू ज्याझ्वः यासें उगु फुक्कं सिरपाः इनीगु ग्वसाः दु । नेपालभाषा परिषदं वकुन्हु सुथय् ७ बजे कालिमाटीया चित्तधर चोकय् च्वंगु चित्तधर ुह्दयु या झ्वाताय् स्वां देछाइगु ज्याझ्वः नं दु ।
