माधव प्रम जूसां एमालेय् उत्साह मदु
येँ सन्ध्या टाइम्स बहुमत सभासद्तय् मत कयाः एमालेया वरिष्ठ नेता माधव नेपालया नेतृत्वय् सरकार गठन जुइगु निश्चित दुसां एमाले दुने मन्त्री जुइगु लािगं न्हापा थें सुनां नं दावी याः मवःगु खँ सीदुगु दु । थःगु हे पार्टीया वरिष्ठ नेता प्रधानमन्त्री जुइत्यंसां एमाले दुने खास हे उत्साह मदुगु खँ छम्ह केन्द्रीय दुजलं ुसन्ध्या टाइम्सुयात कनादिल । पार्टी दुने माधव नेपालया थ्व सरकार उलि ताःहाकः जुइ धइगु खँय् अप्वःस्यां विश्वास हे याना मच्वंगु खँ नं धाःगु दु ।
भाजु नेपालयात मधेशी जनअधिकार फोरमं समर्थन मयाःतले चिचीधंगु फुक्क हे पार्टीतय्त मन्त्री पद बी धकाः प्रलोभन क्यना तःगु खःसां आः फोरमया समर्थन वयेवं चीधंगु पार्टीतय्त मन्त्री बीगु सम्भावना म्हो जुयावंगु खँ सूत्रं धाःगु दु । खम्बुवान लिम्बुवानतय् संघीय लोकतान्त्रिक माचं शुरुइ नेपालयात समर्थन याःगु खःसां लिपा खम्बुवानया ग्यारेन्टी दइगु लिखित प्रतिवद्धता बी मखु धायेवं माचं नेपालयात बियातःगु समर्थन लित काःगु दु । एमालें फोरमया समर्थन वयेसातकि उमिगु मागयात वेवास्ता याःगु खँ धाःगु दु । एमालें न्हापा थःिपंसं हे हास्यास्पद धयातःगु फोरमया ८ बुँदे माग पूरा याना बीगु लिखित प्रतिवद्धता बिउगुिलं फोरम नं समर्थनया लािगं तयार जूगु खः ।
