'एमालें अपराधीयात संरक्षण बीमखु'
नेकपा (एमालें) सुं नं अपराधीयात थःगु पार्टीं संरक्षण मबीगु खँ धाःगु दु ।
विराटनगरया पत्रकार खिलानाथ ढकालयात एमालेया भातृ संगठन युथ फोर्सया कार्यकर्तां आक्रमण याःगु विरोधय् नेपाल पत्रकार महासंघं बिउगु ज्ञापनपत्र लःल्हाना कायेगु झ्वलय् एमाले मूछ्याञ्जे ईश्वर पोखरेलं एमालें अपराधीतय्त संरक्षण मबीगु खँ धयादीगु खः ।
पत्रकार ढकालयात आक्रमण जूगु घटना प्रति दुःख प्वंकादिसें पोखरेलं आक्रमण याम्हेसित पार्टीं मत्वःतिगु धयादिल । वय्कलं एमाले प्रेस स्वतन्त्रताया पक्षय् दुगु स्पष्ट यानादिसें दोषीयात पार्टी व सरकार निगूलिं पक्षं कारवाही यायेमा:गु धयादिल ।
महासंघंया न्वकू यशोदा तिमिल्सिनाया नेतृत्वय् वंगु पुचलं ज्ञापनपत्र बिउसें घटना प्रति एमालेया धारणा स्पष्ट यायेत माग याःगु खः । महासंघया मूछ्याञ्जे ओम शर्माया संयोजकत्वय् नीस्वंगु छानबिन पुचलं घटनाय् युथ फोर्स मोरङया नयः पर्शुराम बस्नेतया संलग्नता दुगु ठहर यायेवं महासंघं एमाले ज्याकू वनाः ज्ञापनपत्र लःल्हाःगु खः ।
News Location:
