खगेन्द्रया थासय् फिलिपिन्सया जुन्री दकलय् चिधिकम्ह मनू

हलिमय् हे दकलय् चिधिकम्ह मनू जुयाः गिनिज बुक अफ वर्ल्ड रेकर्डय् नां दुम्ह नेपाःया खगेन्द्र थापा मगरया थासय् आः फिलिपिन्सया जुन्री बालाविङ दकलय् चिधिकम्ह मनू जुइत ताः लाःगु दु । २३ दशमलव ६ इन्च (६० सेन्टिमिटर) व ५ कजे तौल दुम्ह १८दँया जुन्रीयात गिनिज बुक अझ वर्ल्ड रेकर्डं थौं औपचारिक रुपय् चिधिकम्ह मनू घोषणा याःगु दु । खगेन्द्रया उचाई धाःसा २६ दशमलव ४ इञ्च ६७ सेन्टिमिटर दुगु खः ।

खगेन्द्रं वंगु अक्टोबरय् दकलय् चिधिकम्ह मनू कथं गिनिज बुक अफ वर्ल्ड रेकर्डय् नां च्वकूगु ख: । फिलिपिन्सया जुन्री च्यला न्ह्य: नं खगेन्द्र स्वयां चिधिक: जूसां १८दँ मदुनिगुलिं गिनिज बुकय् नां च्वके मफुगु ख: । जुन्री थौं १८दँय् क्यनेवं गिनिज बुक अफ वर्ल्ड रेकर्डय् नां च्वकेत ता: ला:गु ख: ।