आक्रमणकारीयात कारवाही यायेत ग्वाहालि यानादिसं : महरा
उपप्रधान नापं गृहमन्त्री कृष्णबहादुर महरां विराटनगरया पत्रकार खिलानाथ ढकालयात आक्रमण याःम्ह युथ फोर्सया कार्यकर्तायात कारवाही यायेत ग्वाहालि यायेत प्रधानमन्त्री झलनाथ खनालयात इनाप यानादीगु दु ।
नेकपा (एमाले)या नायः नापं जुयादीम्ह प्रधानमन्त्री खनालया थःगु हे पार्टीया युवा संगठन युथ फोर्सया कार्यकर्तां पत्रकारयात आक्रमण याःगु व आक्रमणकारी एमालेया हे वरिष्ठ नेताया संरक्षणय् दुगु बुँख पिहांवयेवं महरां प्रधानमन्त्री नाप थज्याःगु इनाप याःगु खः ।
मन्त्री महरा आइतवाः सुथय् प्रधानमन्त्री निवास बालुवाटार थ्यंकाः बस्नेतयात कारवाहीया दायराय् हयेत प्रधानमन्त्रीयात इनाप याःगु खः । लिसलय् प्रधानमन्त्री खनालं अपराधी न्ह्याम्ह हे जूसां वयात कारवाही यायेत थःम्ह ग्वाहालि व पहल यायेगु धयादिल ।
वंगु जेठ २२ गते बस्नेतया हे नेतृत्वय् युथ फोर्सया कार्यकर्तातय्सं पत्रकार ढकालयात आक्रमण याःगु खः । आक्रमणकारी ढकाल धाःसा येँ हे दुगु व वयात एमाले नेता केपी शर्मा ओलीं संरक्षण बियातःगु बुखँ सार्वजनिक जुइवं दोषीयात कारवाही यायेत गृहमन्त्रीयात अझ अप्व दबाव लाःगु खः ।
News Location:
