पत्रकारयात अक्रमण याःम्हेसित प्रहरीं याकनं हे ज्वनी : महरा
उपप्रधान नापं गृहमन्त्री कृष्णबहादुर महरां विराटनगरया पत्रकार खिलनाथ ढकालयात आक्रमण याःम्हेसित प्रहरीं याकन हे ज्वनीगु दावी यानादीगु दु । वय्कलं अपराधीयात ज्वना कारवाही यायेगु प्रतिबद्धता प्वंकादिसें छन्हु-निन्हुया दुने हे आक्रमणकारीयात प्रहरीं ज्वनीगु धयादिल ।
व्यवस्थापिका संसदया महिला, बालबालिका व समाजकल्याण समिति अन्तर्गतया जातीय भेदभाव, छुवाछुत समस्या समाधान सम्बन्धी उपसमितिया मुँज्याय् ब्वति कायेधुंकाः पत्रकारत नाप खँल्हाबंला यासें मन्त्री महरां अपराधी राजनीतिक संरक्षणय् दुगु धयादिल । वय्कलं अपारधीयात संरक्षण यानाच्वंपिनि पहिचान जुइधुंकूगु धयादिसां संरक्षणकारी सु खः धकाः धयामदी ।
वंगु आइतावः युथफोर्सया कार्यकर्ता पर्शुराम बस्नेतया नेतृत्वय् पत्रकार ढकालयात आक्रमण याःगु खः । आक्रमण लिपा प्रहरीं ढकालयात मालाच्वंगु दु ।
