सदनया गतिरोध चीकेत प्रधानमन्त्री-सभामुख खँल्हाबंला
प्रधानमन्त्री पुष्पकमल दाहाल 'प्रचण्ड' व सभामुख सुभाषचन्द्र नेम्वाङ दथुइ सदनया गतिरोध चीकेगु विषयलय् खँल्हाबंला जूगु दु ।
प्रधानमन्त्री निवास बालुवाटारय् जूगु खँल्हाबंलाय् प्रधामन्त्री प्रचण्डं एकीकृत माओवादीं ल्ह्वंगु मागयता सदनय् प्रवेश याकाः संसदया गतिरोध अन्त्य यायेत सुझाव बियादीगु दु । वयेकलं पार्टीया निर्णय धासें सदन तत्काल सुचारु यायेमफइगु धयादिल ।
माओवादी तःहाकःगु ई तक सदन अवरुद्ध यायेगु पक्षय् मदुगुलिं नागरिक सर्वोच्चता व राष्ट्रपतिया पलाःया बारे सदनय् सम्बोधन जुइमाःगु अडान प्रधानमन्त्री प्रचण्डं कयादीगु खः । सभामुख नेम्वाङं थुकीया बारे प्रमुख दलया सचेतकत नाप परामर्श यायेगु जानकारी बियादिल ।
आइतवाः एमाले-कांग्रेस गठबन्धनया बहुमत सभासदतय् हस्ताक्षर सहित सभामुखयात न्हूगु सरकार गठनया प्रकृया न्ह्याकेत इनाप यायेवं सभामुखं थौ प्रधानमन्त्री नाप सदन सुचारु यायेगु बारे सहलह याःगु खः ।
