अज्ञात पुचलं मेडिकल कलेजया बस च्याकल

चितवन मेडिकल कलेज भरतपुरया छगः बसयात थौं सुथय् अज्ञात पुचलं च्याका बिउगु दु । कलेजया विद्यार्थी व कर्मचारीतय् निंतिं छ्यलीगु बा. १. क. ६०४६ नम्बरया बसयात थौं सुथय् ९ बजे च्याका बिउगु खः । भरतपुर अस्पतालं कैलाशनगर क्याम्सपाखे वनाच्वंगु इलय् मोटरसाकइलय् वःपिं च्याम्ह-झिम्हेसिया पुचलं आगजनी याःगु खः ।

प्रत्यक्षदर्शीतय् कथं कजेलया विद्यार्थी व कर्मचारीतय्त बसं क्वकया नकावधारी पुचलं बसय् मि तया बिउगु खः । मिं नयाः बस पूर्ण रुपं क्षतिग्रत जूगु दु । घटन सुनां व छाय् याःगु धइगु बारे अझ सीकेफुनीसां घटनाया बारे अनुसन्धान सुरु जुइधुंकूगु खँ जिल्ला प्रहरी ज्याकू चितवनं धाःगु दु ।