राष्ट्रपतिया ज्या ठीक : देउवा
पुलांम्ह प्रधानमन्त्री व नेपाली कांग्रेसया वरिष्ठ नेता शेरबहादुर देउवां लोकतन्त्र व संविधानया रक्षाया निंतिं राष्ट्रपतिं थःगु पलाः ल्ह्वंगु खँ धयादीगु दु ।
सोमवाः येँय् जूगु छगू ज्याझ्वलय् नेता देउवां प्रधानमन्त्री व सरकारं द्वंकेफु धकाः हे राष्ट्रपतिया व्यवस्था याःगु धासें प्रधानमन्त्री व माओवादी अध्यक्ष प्रचण्डं सत्ता कब्जा यायेत स्वःगु द्वपं बियादिल । वयेकलं माओवादीया सत्ता कब्जा यायेगु रणनीति विरुद्ध राष्ट्रपतिं पलाः ल्ह्वनाः देय्यात तःधंगु दुर्घटना पाखें बचेयाःगु धयादिल ।
अथेहे, वहे ज्याझ्वलय् एमाले उपाध्यक्ष विद्यादेवी भण्डारीं माओवादीं विना सहमति सेनाय् ल्हाः तयाः सत्ता कब्जा यायेत स्वःगु द्वपं बियादिल । राष्ट्रपतिया पलाः सही जूगु धासें वयेकलं राजनीतिक रुपं ल्वापिं सेना व नेपाली सेनायात तुलना यायेमफइगु धयादिल ।
