ओली भारत प्रस्थान

नेकपा (एमाले)या नेता केपी शर्मा ओली थौं भारत प्रस्थान यानादीगु दु । राष्ट्रिय सहमतिय सरकार गठनया निंतिं पहल जुयाच्वंगु इलय् वय्कः भारत भ्रमणय् झायादीगु खः । छवाः तक जुइगु वय्कःया भारत भ्रमण स्वास्थ्य उपाचारया निंतिं जूगु धाःसां वय्कलं राजनीतिक नापलाय् ज्या नं यानादीगु खँ धाःगु दु । प्रधानमन्त्री झलनाथ खनालया राजीनामा लिपा सहमतिय सरकारया प्रधानमन्त्री सु जुइगु धकाः चर्चा जुयाच्वंगु इलय् वय्कलं यानादीगु भारत भ्रमणयात राजनीतिक ख्यलय् महत्वया साथ स्वःगु दु ।