राष्ट्रपति व प्रधानमन्त्री निम्हेसिनं द्वंकल : उपराष्ट्रपति

उपराष्ट्रपति परमानन्द झां राष्ट्रपति व प्रधानमन्त्री निम्हेसिनं हे द्वंकूगु द्वपं बियादीगु दु ।

सोमवाः सुथय् विराटनगर विमानस्थलय् संचारकर्मीतनाप खँल्हानादिसें वयेकलं संविधानय् राष्ट्रपति आलंकारिक जुइगु व्यवस्था मदुगु धासें प्रधानमन्त्रीं नं सहमति विना निर्णय याःगुलिं निम्हेसिनं द्वंकूगु धयादिल ।

तर उपराष्ट्रपति परमानन्द झां संविधानया पालक व संरक्षकया हैसियतं राष्ट्रपतिले बाध्यात्मक पला: ल्ह्वने मागुलिं वयेकलं सही पलां ल्ह्वंगु धयादिल ।

आ: सरकार निर्माण स्वयां नं संविधन निर्माण महत्वपूर्ण एजेण्डा जूगु धासें उपराष्ट्रपति झां दलतय्त संविधान निर्माणय् लगेजुइत इनाप यानादिल । वयेकलं सहमतिया राष्ट्रिय सरकार आःया आवश्यकता जुसां दलत दथुइ सहमति जुइ मफुगुलिं बहुमतया आधारय् सरकार निर्माण जुइत्यंगु धयादिल ।