असार ५ गतेया दुने समायोजनया मोडालिटी तयार याइगु

सेना समायोजन विशेष समितिं असार ५ गतेया दुने लडाकु समायोजनया मोडालिटी तयार यायेगु निर्णय याःगु दु ।

विशेष समितियां थौं च्वंगु मुँज्यां समायोजनया न्हापांगु कार्यतालिका क्वःछिउगु दु । मुँज्यां न्हापा हे लडाकुया नीछगू शिविर अनुगमनया निंतिं सेना, सशस्त्र व लडाकुपाखें तयार याःगु सच्छि व नीखुन्हेसिया पुचःयात जेठ २७ गते तकया दुने शिविरय् छ्वयेगु कार्यतालिका दयेकूगु दु ।

अथेहे असार ५ गते तकया दुने समायोजन मोडालिटी तयार यायेगु, असार १० गते तकया दुने लडाकु बर्गिकरण यायेत विज्ञत सम्मिलित पुचःयात शिविर छ्वयेगु निर्णय याःगु दु । उगु विज्ञतय् सम्मिलित पुचलं असार १३ गते निसें ज्या सुरु याइगु कार्यतालिका क्वःछिउगु दु ।