कांग्रेस सहितया झिगू दलं माओवादीयात दबाव बीगु
नेपाली कांग्रेस सहित व्यवस्थापिका संसदय् दुथ्याःगु झिगू राजनीतिक दलतय्सं शान्ति प्रक्रिया पूवंकेत जिम्मेवार जुइत दबाव बीगु निर्णय याःगु दु ।
संविधानसभाया म्याद थप याये न्ह्यः प्रमुख स्वंगू दलत दथुइ जूगु न्यागू बुँदे सहमतिया बारे सहलह यायेत कांग्रेसं आइतवा: आव्हान याःगु मुँज्याय् झिगू दलं माओवादीयात शान्ति प्रक्रिया न्ह्याकेत दबाव बीगु सहमति याःगु खः ।
यलया सानेपास्थित कांग्रेस मू ज्याकूथी च्वंगु झिगू दलया मुँज्यां माओवादी नेतातय् दोहोरो सुरक्षा प्रणालीया खँ सामान्य जूगु निष्कर्ष पिकासें लडाकु व ल्वाभःयात अलग यायेगु प्रक्रिया याकन सुरु यायेमाःगु खँय् बः बिउगु दु । माओवादीयात अझ नं विश्वास यायेगु वातावरण मदुगु धासें मुँज्यां सहमति कार्यान्वयन याकेत माओवादीयात निरन्तर दवाब आवश्वक जूगु निष्कर्ष पिकाःगु खः ।
मुँज्याय् कांग्रेस नापं राप्रपा, राजपा, नेकपा (माले), नेपाल परिवार दल लगायतया राजनीतिक दलतय् ब्वति दुगु खः । संयुक्त मधेशी मोर्चायात नं मुँज्याय् सःतुगु खःसां मोर्चां धाःसा थःपिं नाप सहलह मयासें मुँज्या आव्हान याःगु धासें मुँज्या बहिष्कार याःगु खः ।
News Location:
