लडाकु रेखदेख सम्बन्धी समितिया बैठक अनिश्चित
येँ (सन्ध्या टाइम्स)/शान्ति प्रक्रिया पूवंकेगु नितिं महत्वपूर्णगु भूमिका म्हितीगु माओवादी लडाकु रेखदेख, पुनःस्थापना व समायोजनया नितिं दयेकातःगु विशेष समितिया बैठक अनिश्चित जूगु दु ।
स्वंगू दल दथुइ स्वलाया दुने हे शान्ति प्रक्रिया पूवंकेगु सहमति जूसां विशेष समितिया बैठक अनिश्चित जूगुलिं शान्ति प्रक्रिया न्ह्याकेत पंगः जकं जूगु मखुला धकाः न्ह्यसः ब्वलना वःगु दु। बालुवाटार स्रोतं धाःकथं मुख्य सचिव माधव घिमिरे देशं पिने वनाच्वंगु नापं समितिया छुं छुं दुजःत ज्याय् व्यस्त जूगु कारणं बैठक च्वनेत थाकुयाच्वंगु खः ।
प्रधानमन्त्रीया प्रेस सल्लाहकार सूर्य थापां संचारकर्मीतलिसे खँल्हासें विशेष समितिया बैठकया ई अनिश्चित जुयाच्वंगु खँ स्वीकार यानादीगु दु ।
