प्रचण्ड व कोइराला दथुइ खँल्हाबंला
एकीकृत नेकपा (माओवादी)या नायः पुष्पकमल दाहाल 'प्रचण्ड' व नेपाली कांग्रेसा सभापति सुशील कोइराला दथुइ थौं सुथय् खँल्हाबंला जूगु दु ।
येँया महाराजगञ्जस्थित कोइराला निवासय् जूगु खँल्हाबंलाय् न्यागू बुँदे सहमति कार्यान्वयन यायेगु विषयलय् केन्द्रीत जूगु खः । निम्ह नेतातय्सं ल्हाःचिं तयातःगु उगु न्यागू बुँदे सहमति कार्यान्वयन यायेत निगूलिं दल गम्भीर जुइगु बारे खँल्हाबंला जूगु खः ।
न्यागू बुँदे सहमति लिपा न्हापांगु खुसिइ निम्ह नेतात दथुइ जूगु खँल्हाबंलाय् कांग्रेस सभापति सुशील कोइरालां प्रधानमन्त्रीया राजीनामा आःया मू विषय मजूगु धयादिसें राष्ट्रिय सहमतिय सरकार निर्माणया निंतिं पहल यायेत प्रचण्डयात इनाप यानादिल ।
खँल्हाबंलाय् संविधानसभाया म्याद थप याःगु स्वला शान्ति प्रक्रिया व संविधान निर्माणय् हे केन्द्रीत जुइमाःगु खँय् निम्हं नेतातय्सं छगू हे बिचाः प्वंकूगु खः ।
News Location:
