'प्रमं आः हे राजीनामा ब्यूसाः देय् अस्थिरतापाखे वनी'
उपप्रधान नापं परराष्ट्र मन्त्री उपेन्द्र यादवं प्रधानमन्त्री झलनाथ खनालं आः हे राजीनामा ब्यूसाः देय् झन अन्यौल व अस्थीरतापाखे वनीगु ख्याच्वः बियादीगु दु ।
विराटनगर विमानस्थलय् थौं सुथय् पत्रकारतनाप खँल्हाबंला यानादिसें मन्त्री यादवं राष्ट्रिय सहमतिय सरकारया निंतिं उपयुक्त वातावरण निर्माण जुइधुंकाः जक प्रधानमन्त्री राजीनाम बीमाःगु बिचाः प्वंकादिल । राष्ट्रिय सहमतिय सरकारया विकल्प मदुगु धयादिसें वय्कलं उकिया निंतिं फुक्कसिंनं कुतः यायेमाःगु धयादिल । तर वय्कलं यदि अज्याःगु अवस्था मवयेकं आः हे राजीनामा ब्यूसाः देय् अन्यौलतापाखे उन्मुख जुइगु दावी यानादिल ।
मधेशी जनअधिकार फोरमया नायः नं जुयादीम्ह यादवं संविधान निर्माण याये चाहेमजूपिंसं थ:गु पार्टी विभाजनया याःगु धयादिसें उकिया निंतिं पार्टी दुने लखौं तका ध्यबाया चलखेल जूगु दावी यानादिल ।
News Location:
