प्रचण्डं आः स्टेटम्यानसीपया भूमिका म्हिति : अनन्त
एकीकृत नेकपा (माओवादी)या नेता वर्षमान पुन 'अनन्तं' थःगु पार्टीया नायः पुष्पकमल दाहाल 'प्रचण्ड' आः प्रधानमन्त्री मजुसें स्टेटम्यानसीप भूमिका म्हिता: शान्ति प्रक्रियाया नेतृत्व यानादीगु खँ धयादिगु दु ।
रिपोटर्स क्लबं थौं येँय् याःगु छगू साक्षात्कार ज्याझ्वलय् नेता अनन्तं कांग्रेसं राष्ट्रिय सहमतिय सरकारया निंतिं प्रचण्डयात नेतृत्व यायेत प्रस्ताव याःगु खुलासा यानादिल । कांग्रेसं प्रचण्डया नेतृत्वय् सहमतिया सरकार निर्माण जूसाः ग्वाहालि यायेगु बचं ब्यूगु धयादिसें वय्कलं आः प्यला न्यालाया निंतिं प्रचण्ड प्रधामन्त्री मजुइगु दाबी यानादिल ।
कांग्रेस सभापति सुशील कोइरालां प्रचण्डयात स्वर्गीय गिरिजाप्रसाद कोइराला लिपा अविभावकया रुपय् भूमिका म्हितेत सुझाव बिउगु अनन्तं धयादिल । वय्कलं प्रचण्ड यदि सरकारया विवादय् तक्यंसाः स्टेटम्यानसीप जुइगु अवस्थाय् खतरा जुइगु नं धयादिल ।
प्रधामन्त्रीया निंतिं माओवादीपाखें प्रचण्डया पलेसाः मेपिं उम्मेदवार दयेकीगु धयादिसें अनन्तं आः आलोपालो प्रणालीं सरकार गठन जुइगु सम्भावना अप्वःगु धयादिल ।
News Location:
