विरोधया दथुइ नेतात विदेश भ्रमणय्
Posted on Fri Jun 3, 2011 4:14 pm NST
संविधान निर्माणय् केन्द्रीत जुइत दबाव लानाच्वंगु इलय् प्रमुख स्वंगू दलया नेतात छगू सम्मेलनय् ब्वति कायेत विदेश भ्रमणय् वंगु दु ।
पुलाम्ह प्रधानमन्त्री नापं नेकपा (एमाले)या माधवकुमार नेपाल सहित कांग्रेस नेतृ सुजाता कोइराला व एनेकपा (माओवादी)या नेतृ हिसिला यमि शुक्रवाः बंगलादेशय् वंगु ख: । एसिया प्यासिफिक शान्ति सम्मेलनय् ब्वति कायेत स्वम्ह नेता शुक्रवाः न्हिनय् ३बजे विमान एयरपाखें उखे पाखे वंगु खः ।
नेतात विदेश भ्रमणय् वनेत्यंगु इलय् फेसबुक सञ्जाल नेपाल युनाइट्सं त्रिभुवन विमानस्थल पिने प्रदर्शन याःगु ख: । सञ्जालं नेतातय्त संविधान निर्माण मजुतले विदेश भ्रमणय् मवनेत दबाव बियाच्वंगु दु । अथेहे संविधान निर्माणया ज्या त्वःता नेतात विदेश भ्रमणय् वंगु खँ प्रति स्वयम सभासदतय्सं तकं विरोध प्वंकूगु दु ।
News Location:
