थनिंनिसें न्हूम्ह नायः गजेन्द्र मानन्धर

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिया लय्लय् पतिकं नायः हिलेगु झ्वलय् थनिंनिसें गजेन्द्र मानन्धर नायः जुयादीगु दु
।
लोकतान्त्रिक नेवाः दबूपाखें मानन्धर मंकाः संघर्ष समितिया न्हापा नं छकः नायः जुयादीधुंकूम्ह खः। मंकाः संघर्ष समितिइ तिथि कथं लय् लय् पतिकं नायः हिलेगु प्रावधान दयेकातःगु दु। म्हिगः तक ज्यापु समाज यलपाखें मंगल महर्जन नायः जुयादीगु खः। वय्कः लच्छि तक नायः जुयादीगु खःसा आः मानन्धर नं लच्छि तक नायः जुयादी ।