यलया ग्वार्कोय् खुसि अतिक्रण यायेगु कुतः

येँसन्ध्या टाइम्स÷यलया ग्वार्को इमाडोलया कर्मनाथ खुसिया जग्गा छम्ह व्यक्तिं अतिक्रमण यानाच्वंगु खँ सार्वजनिक जूगु दु । इमाडोल वडा नम्बर ५ य् च्वंगु कर्मनाथ लिकसं जग्गा न्यानाः च्वंवःम्ह बालकृष्ण पौडेलं थुकथं खुसि अतिक्रमण यानाच्वंगु खँ धाःगु दु । पौडेलं अन डोजर हयाः साविक कथं न्ह्यानाच्वंगु खुसियात मेगु लँपुपाखे छ्वयेवं स्थानीय जनता उगु खुसि थःगु वस्तीपाखे वइगु ग्याःचिकु ब्वलनाच्वंगु खँ धाःगु दु ।

उम्ह मनुखं स्थानीय टोल सुधार समिति व गाविसं पंक पंक हे थुकथं डोजर हयाः जग्गा अतिक्रमण यानाच्वंगु खँ धाःगु दु । यल सिडिओपाखे नं अन खुसि हे दुगु निर्णय यायेधुंकूगु खँ नं स्थानीय वासिन्दां धाःगु दु । सिडिओया निर्देशन तकं माने मजुसें उम्ह मनुखं थुकथं जग्गा अतिक्रमण यानाच्वंगुिलं थ्व मनूयात छुं राजनीतिक पार्टीया आर्शिवाद दुगुिलं खः धकाः नं स्थानीय जनतां धाःगु दु ।

यदि खुसियात साविक लँपुइ न्ह्याः वनेमफुत धाःसा खुसि बाः वस्ती वइगु व थुिकं आपालं धनजनया क्षति जुइगु खँ स्थानीय जनतां धाःगु दु ।

थ्वहे झ्वलय् खुसियात यथावत रुपं न्ह्याके बीमाःगु माग यासें अनया स्थानीय जनतां उदयवस्ती टोल सुधार समिति व अशोक टोल सुधार गठन यानाः थःपिनि आन्दोलन न्ह्याकेगु निर्णय याःगु दु ।