राज्य पुनर्संरचनाया विवाद ज्यंकेगु जिम्मा उपसमितियात

संविधानसभा अन्तर्गतया राज्य पुनर्संरचना व राज्यशक्तिया बाँडफाँड समितिं पेश याःगु प्रतिवेदनय् खनेदुगु विवाद ज्यंकेगु जिम्मा संवैधानिक समिति अन्तर्गतया उपसमितियात बिउगु दु ।

ताः ई न्ह्यः निसें राज्य पुनर्संरचनाया बारे सहलह जूसां छुं नं निर्णय यायेमफयाच्वंगुलिं संवैधानिक समितिं थुगु प्रतिवेदनयात ज्यंकेगु जिम्मा उपसमितियात बिउगु खः । थौं च्वंगु संवैधानिक समितिया मुँज्याय् नं राज्य पुनर्संरचनाया बारे सहलह जूसां छुं निष्कर्ष पिकायेमफेवं उपसमितियात जिम्मा बीगु निर्णय याःगु खः ।

राज्य पुनर्संरचना समितिं पहिचान व सामर्थ्यताया आधारय् झिंप्यंगू प्रदेश दुगु खाका न्ह्यब्वःगु खः । उगु प्रस्तावया न्हय्च्यागू बुँदा विवाद जुयाच्वंगु दु ।