माओवादीं नेतातय् दोहोरो सुरक्षा व्यवस्था चीकेगु निर्णय
एकीकृत नेकपा (माओवादी)या पदाधिकारी मुँज्यां थःगु पार्टीया नेतातय् सुरक्षार्थ लागू यानातःगु दोहोरो सुरक्षा व्यवस्था चीकेगु निर्णय याःगु दु ।
संविधानसभाया म्याद थप याये न्ह्यः प्रमुख स्वंगू दलत दथुइ जूगु न्यागू बुँदे सहमतिइ न्ह्यथनातः कथं माओवादी पदाधिकारीतय् मुँज्यां उगु निर्णय याःगु खः । माओवादीं आः नेतातय् सुरक्षाय् खटे जुयाच्वंपिं लडाकुतय्त शिविरय् लितछ्वयेगु निर्णय यासें छवाया दुने दोहोरो सुरक्षा प्रणाली बारेया निर्णय पूर्ण रुपं कार्यान्वयन यायेगु क्वःछिउगु दु ।
अथेहे माओवादी नाय: पुष्पकमल दाहाल 'प्रचण्ड'या न्हू बजारस्थित छेँय् च्वंगु मुँज्यां अस्थायी नम्बर तयाः चले यानाच्वंगु सवारी साधनया नम्बर प्लेट नं हिलेगु निर्णय याःगु दु । आः लडाकु शिविरय् दुने दुगु सवारीइ सरकारी नम्बर व नेतातय् सवारीइ निजी नम्बर तइगु जूगु दु ।
अथेहे मुँज्यां शान्ति प्रक्रियायात याकनं पूवंकेत तत्काल ज्या न्ह्याकेगु निर्णय नं याःगु दु ।
News Location:
