ओली विरुद्ध प्रस्ताव पेश यानादीम्ह पाण्डेपाखें आत्मालोचना
नेकपा (एमाले)या जारी केन्द्रीय कमिटीया मुँज्याय् पार्टी प्रभावशाली नेता केपी शर्मा ओली विरुद्ध झिंछगू बुँदे प्रस्ताव पेश यानादीम्ह नेता सुरेन्द्र पाण्डें आत्मालोचना यानादीगु दु ।
पार्टी मुख्यालय मदननगर बल्खुइ बुधवाः च्वंगु केन्द्रीय कमिटीया मुँज्याय् ओली पक्षधर नेतातय्सं पाण्डेया प्रस्ताव प्रति तच्वयेक आलोचना यायेवं वय्कः आत्मालेचना यायेत बाध्य जुयादीगु खः । ओली पक्षधर नेतातय्सं पाण्डेलया प्रस्ताव पार्टीयात हे प्रहार यानाः न्ह्यब्वःगु धासें कुखिंगु खः ।
मंगलवाः च्वंगु केन्द्रीय कमिटीया मुँज्याय् नेता पाण्डें
ओलीं पार्टी नेतृत्व विरुद्ध समानान्तर गतिविधि संचालन याःगु, महाधिवेशनया फौसला विरुद्ध केन्द्रीय कमिटी व सरकारया ज्याय् पंग थंगु, अदृष्य थासं आर्थिक स्रोत हयाः गुटवनन्दी याःगु, पार्टी दुने गुण्डा संस्कृतियात बढावा बिउगु आदि द्वपंत दुथ्यागु प्रस्ताव पेश यानादीगु ख: ।
News Location:
