गैर नेवाःतय्त छेँ दने मबीगु

किपूसन्ध्या टाइम्स÷नेवाः स्वायत्त लागा घोषणा मजूनिसां उकिया व्यवहारिक अभ्यास धाःसा आः हे याना यंकेगु निर्णय किपूया जनतां याःगु दु । कन्हय् नेवाः स्वायत्त लागाया घोषणा जुइधुंकल अन याउँक थुकिया अभ्यास याये फयेमा धकाः आवंनिसें हे थ्व अभियान न्ह्याकेगु निर्णय नेवाः स्वायत्त मंकाः संघर्ष समिति किपू कचां याःगु खः । नकतिनि क्वचाःगु कचाया मुँज्यां थ्व निर्णय याःगु खः ।

समितिपाखें प्राप्त जानकारी कथं उगु अभ्यास न्ह्याकेगु झ्वलय् किपुली आवंलि गैरनेवाःतय्त छेँ दने मबीगु अभियान शुरु यायेत्यंगु दु । किपू लागाय् गैर नेवाःतय्त छेँ दनाः च्वनेगु- पाखें रोके यायेत समितिपाखें माःगु तयारी याइ धाःगु दु ।

थ्वहे झ्वलय् बाह्य चक्रपथया विरोधय् अभियान न्ह्याकेत्यंगु नेवाः राष्ट्रिय मुक्ति मोर्चां आः बाह्य चक्र-पथ सम्बन्धी अन्तकिर््रया बोसी गामय् तयेत्यंगु दु । अन्तकिर््रयाय् बाह्य चक्र-पथपाखें थनया वातावरण शहरय् गज्याःगु विकृति वइ धकाः थुइकेगु ज्या याइ ।