संसद चािहं न्ह्याके बीगु जुल

येँ सन्ध्या टाइम्स÷भारतय् क्वचाःगु चुनावया लिच्वः स्पष्ट जूगु दु । हानं कंग्रेस-आईया हे नेतृत्वय् सरकार गठन जुइगु ।
भारतीय चुनावया लिच्वः स्पष्ट जुइवं आः नेपालय् नं अवरुद्ध जुयाच्वंगु सरकार गठनया ज्यां गति काइगु विश्लेषण थनया राजनीतिक ख्यलं याना हःगु दु । विज्ञ सूत्रतय् कथं माओवादीं सदन अवरुद्ध यानाः स्वयाच्वंगु हे भारतीय चुनावया लिच्वःयात खः । आः लिच्वः पिहां वल उिकं माओवादीं नं छु यायेमाःगु खः याना छ्वइ ।

सूत्रतय् कथं भारतीय चुनावया लिच्वः स्पष्ट जुइवं माओवादीं नं एमाले - कांग्रेस गठबन्धनयात हे सरकार गठन याके बीमाली धइगु मनःस्थिति दयेका हःगु दावी सूत्रं याःगु दु । भारतय् हानं कंग्रेस-आईया हे सरकार वल धाःसा थःगु लािगं स्थिति अनुकुल मजुइगु विश्लेषण माओवादी नेतातय्सं यानाच्वंगु दु ।

माओवादी नेता नारायणकाजी श्रेष्ठं आः कन्हसंनिसें माओवादीपाखें जुयाच्वंगु सदन अवरुद्धया ज्या फुकुवा जुइगु खँ कनादीधुंकूगु दु । माओवादीं थौं तक देय्न्यंकं प्रदर्शन यायेगु ज्याझ्वः हे घोषणा याना तयेधुंकूगु कारणं सदन अवरुद्ध यायेगु ज्यायात नं निरन्तरता बीमाःगु खँ धाःगु दुसा कन्हसंनिसें सदन न्ह्याके बीगु संकेत बिउगु दु । सदन न्ह्यायेधुंकाः नं यदि थःिपंसं कुतः याना थें सरकार दयेके मफुत धाःसा एमाले-कांग्रेसयात हे सरकार दयेके बीगु बिचाः नं पार्टी दुने वयाच्वंगु दु । लिसें माओवादीं यदि थःिपं प्रतिपक्षीइ च्वने माल धाःसा गज्याःगु पलाः ल्ह्वनेमाली धकाः नं रणनीति तयार याना तयेधुंकूगु खँ सूत्रं धाःगु दु । प्रतिपक्षीइ वनेवं माओवादीं अतिकं फरक कथंया रणनीति ज्वनाः न्ह्यःने वइगु जानकारी सूत्रं बिउगु दु ।