'प्रमया राजीनामा न्ह्यःराष्ट्रिय सहमति'
Posted on Tue May 31, 2011 2:34 pm NST
प्रधानमन्त्री झलनाथ खनाल व एनेकपा (माओवादी)या नायः पुष्पकमल दाहाल 'प्रचण्ड' दथुइ स्वंगू दलत दथुइ जूगु न्यागू बुँदे सहमतिया बारे खँल्हाबंला जूगु दु ।
प्रधानमन्त्री निवास बालुवाटरय् मंगलवाः सुथय् जूगु खँल्हाबंलाय् शान्ति प्रक्रिया, संविधान निर्माण व राष्ट्रिय सहमतिया बारे सहलह जूगु खः । निम्ह नेतात दथुइ जूगु सहलहलय् दकलय् न्हापां राजनीतिक दलत दथुइ राष्ट्रिय सहमति यानाः जक प्रधानमन्त्रीं राजीनमा बीगु सहमति जूगु दु ।
न्यागू बुँदे सहमति लिपा थौं दकलय् न्हापांगु राजनीतिक नापलाय् ज्या यानादीम्ह प्रधानमन्त्री खनाल व प्रचण्डं न्यागू बुँदे सहमतिया बारे थःथःगु व्याख्य सुरु जूगु धासें उकिया एकरुपता बीगु निर्णय नं याःगु दु । अथेहे सहमतिया पहलया निंतिं राजनीतिक नापलाय् ज्या तीव्र यायेगु नं क्वःछिउगु दु ।
News Location:
